Экскурсія ў аддзел рамёстваў і традыцыйнай культуры ДУ "Лідскі раённы цэнтр культуры і народнай творчасці"
Выхаванцы групы "Зорачка" наведалі аддзел рамёстваў і традыцыйнай культуры ДУ "Лідскі раённы цэнтр культуры і народнай творчасці" - унікальнае месца, дзе захоўваюць спадчыну беларускай культуры і побыту.
У ходзе экскурсіі па залах цэнтра дзеці змаглі пазнаёміцца з традыцыямі вышыўкі і стварэння нацыянальнага касцюма. Экспанаты цэнтра дапамаглі ўявіць сабе быт беларусаў: сялянскую хату, прылады працы, хатнія рэчы. З задавальненнем выхаванцы пазнаёміліся з такімі накiрункамі традыцыйных беларускіх рамёстваў, як ганчарства i кераміка, саломапляценне, вязанне, вышыўка, традыцыйны роспіс. Дзеці мелі магчымасць не толькі падзівіцца вырабам майстроў Лідчыны, але і акунуцца ў атмасферу даўніны ў ходзе майстар-класа па вырабу традыцыйных сувеніраў - лялькi і саламянай птушачкі.
Выхаванцы атрымалі прыемныя ўражанні, а таксама натхненне на асабістую творчасць.
Фотасправаздачу аб экскурсіі можна паглядзець тут.
