Вынікі агляду-конкурсу "Прадметна-прасторавае асяроддзе як умова далучэння дзяцей да народнай творчасці"
У рамках рэалізацыі гадавой задачы ў нашай установе дашкольнай адукацыі прайшоў агляд-конкурс "Прадметна-прасторавае асяроддзе як умова далучэння дашкольнікаў да нацыянальнай культуры праз азнаямленне з народнай цацкай". Конкурс праводзіўся з мэтай стымулявання творчай дзейнасці педагагічнага калектыву па стварэнні ўмоў для далучэння ўдзельнікаў адукацыйнага працэсу да захавання народных традыцый, фарміравання нацыянальнай самасвядомасці дашкольнікаў, умацавання ўзаемадзеяння з сем'ямі выхаванцаў.
У аглядзе-конкурсе прынялі ўдзел усе ўзроставыя групы, спецыялісты. Журы агляду-конкурсу ацэньвала эстэтычнае афармленне, прысутнасць беларускіх элементаў у афармленні нагляднага матэрыялу, рацыянальнасць, даступнасць размяшчэння, адпаведнасць узроставым асаблівасцям выхаванцаў, крэатыўны падыход, творчасць у стварэнні развіццёвага прадметна-прасторавага асяроддзя. Па выніках агляду-конкурсу пераможцамі прызнаны групы "Зорачка", "Непаседы", музычныя кіраўнікі. Другое месца падзялілі групы "Сонечныя зайчыкі", "Божая кароўка", "Смяшарыкі". Трэцяе месца - кіраўнікі фізічнага выхавання.
Віншуем пераможцаў і жадаем далейшых поспехаў, росту прафесійнага майстэрства ўсім удзельнікам конкурсу. Дзякуем законным прадстаўнікам за дапамогу, аказаную ў падрыхтоўцы агляду-конкурсу!
Фотасправаздачу Вы можаце паглядзець тут.
