Святкуем Дзень Незалежнасці!
Штогод выхаванцы нашай установы прымаюць удзел у памятных мерапрыемствах і патрыятычных акцыях, прымеркаваных да Дня Незалежнасці Рэспублiкi Беларусь. Старт святочным мерапрыемствам далі выхаванцы старшых груп. Раніцу 2 лiпеня яны сустрэлі ранішняй гімнастыкай пад музыку Ю.Семянякі "Беларусь мая". Танцавальная кампазіцыя "Васільковая краіна" была эмацыйна і ярка выканана выхаванцамі сярэдняй групы. Тэматычная гутарка "Беларусь памятае!", эстафеты "Даставіць заданне", "Бравыя салдаты" дапамаглі сфарміраваць у выхаванцаў уяўленні аб гістарычным мінулым нашай Радзімы. У конкурсе чытальнікаў дзеці праявілі арыгінальнасць выканання і веданне беларускай мовы. Кульмінацыяй свята стаў флэшмоб "Мая Беларусь!", які выхаванцы выканалі сумесна з педагогамі.
Любоў да Радзімы, гонар за яе дасягненні, вера ў цудоўную будучыню - так выхаванцы ўсхвалялі сваю родную краіну. І вельмі хочацца, каб яны выраслі годнымі і сапраўднымі грамадзянамі зямлі беларускай!
