Віртуальная экскурсія па родным горадзе
"Наш горад праменны, як сонца,
Жаноцкі і тварам сваім.
Да нас едуць госці бясконца
З далёкіх і блізкіх краін..."
У групе "Сонечныя зайчыкі" рэалізуецца адукацыйны праект "Мая малая радзіма". Удзельнікамі праекта з'яўляюцца выхаванцы, бацькі і педагогі. У Дзень беларускай мовы выхаванцы разам з выхавальнікамі адправіліся на віртуальную экскурсію "Горад, у якім я нарадзіўся". Дзецi апынуліся ў свеце цікавага. Яны з вялікай увагай слухалі выхавальніка Касцюк Аксану Уладзіміраўну, задавалі шмат пытанняў, разглядвалі фотаздымкі з выявамі горада Ліды. На фотаздымках былі адлюстраваны знакамітыя месцы роднага горада, пра якія дзеці з захапленнем апавядалі. Выхаванцы яшчэ раз далучыліся да беларускай мовы, да гісторыі горада Ліды. А ў будучым дзяцей чакаюць сапраўдныя і незабыўныя падарожжы па любімым горадзе.
Фотасправаздачу Вы можаце паглядзець тут.
