Наведванне выхаванцамі групы "Жамчужынкі" бібліятэкі ДУА "СШ №16 г. Ліды"
У рамках пераемнасці і падчас правядзення Міжнароднага дня роднай мовы выхаванцы групы “Жамчужынкі” наведалі бібліятэку ДУА "СШ №16 г. Ліды". Нашых выхаванцаў ветліва сустракалі ў нацыянальных касцюмах старэйшыя вучні школы, якія наведваюць беларускамоўныя класы. Яны падрыхтавалі для малодшых сяброў цікавыя вершы, казкі, моўныя гульні. Уважліва слухалі дашкольнікі аповед бібліятэкара школы. Яна пазнаёміла выхаванцаў з выставай дзіцячых кніг беларускіх пісьменнікаў, цікава расказала пра "кніжныя вуліцы" бібліятэкі, замацавала з дзецьмі правілы абыходжання з кнігай, а таксама ўручыла сімвалічныя білеты "Юнага чытача".
Спадзяемся, што наведванне бібліятэкі стане ў нашых выхаванцаў, будучых першакласнікаў, добрай традыцыяй.
Фотасправаздачу аб наведванні бібліятэкі Вы можаце паглядзець тут.
