"Вечарынка ў Яся і Янінкі"
У рамках правядзення тыдня беларускай мовы ў нашай установе дашкольнай адукацыі ў групе "Сонечныя зайчыкі" прайшла "Вечарынка ў Яся і Янінкі".
Выхаванне патрыятычных пачуццяў, фарміраванне прадстаўленняў аб культуры і традыцыях беларускага народа – прыярытэтныя напрамкі работы ўстановы. У ходзе мерапрыемства гучалі прывітанні, заклічкі, прыказкі і прымаўкі. Разам з лялькамі Ясем і Янінкай выхаванцы з задавальненнем паслухалі легенду аб стварэнні роднага горада Ліды,
даведаліся пра беларускія стравы,
гулялі ў народныя рухомыя гульні.
У "беларускай хатцы" дзяўчынкі разгледзелі беларускія ўзоры, а затым паспрабавалі самастойна "саткаць" нацыянальны ручнік.
Тым часам хлопчыкі рыхтавалі для дзяўчынак сюрпрыз: развучвалі з дапамогай лялек-музыкаў танцавальныя рухі да знаёмых народных мелодый.
Вечарына ўдалася на славу!
Больш фота Вы можаце паглядзець тут.
