Музейна-педагагічны занятак "Абрадавыя лялькі"
Выхаванцы групы "Смяшарыкі" наведалі музейна-педагагічны занятак "Абрадавыя лялькі" ў Лідскім гісторыка-мастацкім музеі. Дзеці пазнаёміліся з сапраўдным творам мастацтва - абрадавымі, абярэгавымі і гульнявымі лялькамі, якія выпраменьваюць велізарную энергетыку, закладзеную добрымі рукамі майстроў. Яны з'яўляюцца носьбітамі народных традыцый, злучным мастком паміж пакаленнем дзяцей і іх прабабулямі, якія ў дзяцінстве не мелі тых цацак, да якіх прывыклі сучасныя дзеці.
Выхаванцы з задавальненнем даведаліся, як стваралі традыцыйныя лялькі нашы продкі ("Дзесяціручка", "Зернявушка", "Спірыдон-сонцаварот", "Траўніца", "Неразлучнікі" і інш.), а таксама атрымалі магчымасць вырабіць сваю. Сюрпрызным момантам было з'яўленне бабы Ягі, якая давала дзецям заданні, гуляла, весяліла. Выхаванцы атрымалі прыемныя ўражанні.
Фотасправаздачу Вы можаце паглядзець тут.
