Выхаванцы групы "Зорачка" наведалі лялечны тэатр "Батлейка"
Выхаванцы групы "Зорачка" наведалі лялечны тэатр "Батлейка" ў аддзеле рамёстваў і традыцыйнай культуры ДУ "Лідскі раённы цэнтр культуры і народнай творчасці". Стваральнікі гэтага тэатра ўносяць высокі ўклад у развіццё аматарскай мастацкай творчасці, папулярызацыю нацыянальных культурных традыцый. У яго рэпертуары шмат розных спектакляў, у аснове кожнага – беларускія традыцыі або беларускія казкі.
Увазе нашых выхаванцаў была прадстаўлена цікавая п'еса "Казіная хатка". Прыгожая, маляўнічая інтэрактыўная батлеечная п'еса выклікала водгук у душы гледачоў, а таксама ўразіла акцёрскім майстэрствам. Па сюжэце козачкі жылі ў лесе, а хлопчык-сіротка Янка вызваліў іх ад злых ваўкоў і знайшоў сабе новы домік. Прыгожыя дэкарацыі, лялькі, мілагучнае музычнае суправаджэнне на роднай мове пакінулі яркія ўражанні і эмоцыі ў дзяцей.
Больш фота Вы можаце паглядзець тут.
