Святкуем "Саракі"- прылятайце да нас, шпакі!
Каляндарна – абрадавыя святы з’яўляюцца адным з найважнейшых напрамкаў у выхаванні дзяцей.
24 сакавіка ў нашай установе дашкольнай адукацыі адбылося фальклорнае свята “Саракі”, прысвечанае прылёту птушак. У свяце прымалі ўдзел выхаванцы сярэдняй і старшай груп. Падчас мерапрыемства дашкольнікі гулялі, вадзілі карагоды, клікалі Вясну, адгадвалі загадкі, успаміналі прыказкі і прымаўкі пра поры года, спявалі на роднай мове, перадаючы атмасферу святочнага гуляння. Са спевамі вяснянак дзеці ўпрыгожвалі вярбу папяровымі птушкамі, вязалі на яе рознакаляровыя стужкі.
Завіталі на свята і казачныя героі Баба Яга і Мядзведзь, які прачнуўся толькі тады, калі пачуў у выкананні дзяцей вясновы карагод. З вялікай ахвотай дзеці прымалі ўдзел у конкурсах і спаборніцтвах.
Адной з дзеючых асоб фальклорнага свята стаў Бусел – сімвал Беларусі, міралюбнасці і мудрасці.
На свяце была арганізавана таксама выстава шпакоўняў, якія дзеці з дапамогай бацькоў вырабілі сваімі рукамі падчас правядзення ва ўстанове конкурса на лепшую шпакоўню.
У канцы мерапрыемства выхаванцы з задавальненнем прынялі пачастунак – выпечаныя з цеста фігуркі птушак, як адзін з галоўных сімвалаў абраду. Завяршылася свята веснавым карагодам вакол упрыгожанай вярбы.
Фотасправаздачу Вы можаце паглядзець тут.
